«Интер» Федерико Димарко билан шартномани узайтиришга яқин
Миланнинг «Интер» клуби ҳимоячиси Федерико Димарко билан янги келишув бўйича якуний босқичга яқин турибди. Инсайдер Николо Скира хабарига кўра, футболчи 2030 йилгача мўлжалланган шартномага имзо чекиш арафасида. Бу ҳақда euro-football.ru хабар беради.
Манбага кўра, Англия Премьер-лигасининг бир нечта клублари Димаркога қизиқиш билдирган, бироқ музокаралар аниқ таклифларга айланмаган. Ҳозирча ҳам «Интер», ҳам Димарко ҳамкорликни давом эттиришни устувор деб билмоқда.
28 ёшли чап қанот ҳимоячиси «Интер» академияси тарбияланувчиси ҳисобланади. У «Сьон», «Парма», «Верона» ва «Асколи»даги ижара даврларидан сўнг жамоага қайтиб, «нерадзуррилар»нинг асосий етакчиларидан бирига айланди.
Жорий мавсум Димарко 31 ўйинда майдонга тушиб, 6 гол урди ва 13 ассист қайд этди. Унинг амалдаги шартномаси 2027 йилгача амал қилади, Transfermarkt эса футболчини 50 миллион еврога баҳоламоқда.