Ҳоланн Собослай учун афсусдалигини яширмади ва қарорни танқид қилди
"Манчестер Сити" ҳужумчиси Эрлинг Ҳоланн АПЛнинг сўнгги турида "Ливерпул" ярим ҳимоячиси Доминик Собослайнинг майдондaн четлатилиши юзасидан фикр билдирди. Бу ҳақда euro-football.ru хабар беради.
Англия чемпионатининг 25-турида "шаҳарликлар" 2:1 ҳисобида ғалаба қозонди. Учрашув якунида баҳсли эпизод юз берди: Раян Шерки мерсисайдлар дарвозасига тўпни киритди, бироқ VAR кўриб чиқилганидан сўнг гол бекор қилинди. Сабаби, тўп дарвоза чизиғидан ўтишидан аввал Собослай Ҳоланннинг футболкасидан тортиб, унинг ҳужумни якунлашига халақит берди. Ҳакам голни бекор қилди ва Ҳоланнга нисбатан "сўнгги умид" қоидасига мос деб топилган фол учун Собослайга қизил карточка кўрсатди.
"Ҳакам қоидаларга амал қилиши керак... Аммо барибир, ростини айтсам, Доминик Собослай учун афсусдаман. Энди унга уч ўйинлик дисквалификация беришади... Шунчаки голни ҳисобланг, қизил карточка кўрсатманг! Ҳаммаси шунчаки", — деди Ҳоланн ўйиндан кейин.
Кейинги турда "Манчестер Сити" ўз майдонида "Фулҳем"ни қабул қилади, "Ливерпул" эса сафарда "Сандерленд"га қарши майдонга тушади.