Баумгартнер дубли «РБ Лейпциг»га «Кёлн» устидан ғалаба келтирди
Бундеслиганинг 21-турида «Кёлн» ўз майдонида «РБ Лейпциг»ни қабул қилди. Учрашув анча тезкор темпда бошланди ва мезбонлар ҳам, меҳмонлар ҳам бирин-кетин хавфли вазиятлар яратди. Бу ҳақда euro-football.ru хабар беради.
Дастлаб Саид эл-Мала жарима майдончаси атрофидан зарба йўллаб дарвозабоннинг ҳушёрлигини синди. Орадан кўп ўтмай Давид Раум ҳам голкиперни ишга солди, ҳужум давомида Ромуло Крузнинг зарбаси устунга бориб тегди. Хавер Шлагер қулай имкониятда тўпни нишонга аниқ йўналтира олмади, 29-дақиқада эса «Кёлн» дарвозабонининг қўпол хатосидан кейин Кристоф Баумгартнер бош билан ҳисобни очди — 0:1.
Иккинчи бўлим бошида Ян Тилманнинг фаоллиги самара берди: у ҳисобни тенглаштирди (1:1). Бироқ беш дақиқадан кейин Шлагер ҳужумни кескинлаштирди ва Баумгартнер яна гол уриб, «Лейпциг»ни яна олдинга олиб чиқди — 1:2. Якуб Каминскийда жавоб голини уриш учун имконият бўлди, аммо унинг зарбаси муваффақиятсиз чиқди.
Ушбу ғалабадан сўнг «РБ Лейпциг» турнир жадвалида «Штутгарт»ни ортда қолдириб, тўртинчи ўринга кўтарилди. «Кёлн» эса 10-поғонада қолди.