Роналду ўйин ўтказиб юборди, «Ал-Наср» ғалабани нишонлади
Криштиану Роналду мураббий билан келишувга кўра ОФК Чемпионлар лигаси 2 гуруҳ босқичи учрашувларида майдонга тушмаяпти. Осиёдаги иккинчи даражали клублар турнирида етакчисиз қолаётганига қарамай, «Ал-Наср» ишончли натижа кўрсатмоқда. Бу ҳақда euro-football.ru хабар беради.
Чоршанба куни Саудия клуби гуруҳдаги бешинчи ўйинини ҳам ютди: жамоа Тожикистонда «Истиқлол»ни 4:0 ҳисобида йирик мағлуб этди ва беш ўйиннинг барчасида ғалаба қайд этди.
Учрашувдан сўнг Роналду ижтимоий тармоқларда «Ал-Наср»нинг гуруҳни биринчи ўринда якунлаб, кейинги босқичга чиққанлиги ҳақидаги постни репост қилди. Криштиану хабарига икки эмодзи — олов ва қарсакларни қўшди.
40 ёшли Роналду «Ал-Наср» билан амалдаги шартномаси бўйича 2027 йилнинг ўрталаригача клубда қолиши кўзда тутилган.
Шу орада интернетда Роналду ва Тожикистон билан боғлиқ сохта хабарлар ҳам муҳокама қилинмоқда.