РБ Лейпциг Санакт-Паули билан дурангда очко йўқотди

Германия Бундеслигасининг 19-турида Санакт-Паули ўз майдонида РБ Лейпцигни қабул қилди ва учрашув 1:1 ҳисобида якунланди. Бу ҳақда euro-football.ru хабар беради.

Ўйин бошида меҳмонлар тезда ҳисобни очиб юбориши мумкин эди: 8-дақиқада Ксавер Шлагернинг зарбаси устунга тегиб қайтди. Санакт-Паули ҳам жавобсиз қолмади: Рики-Жейд Жонс жарима майдонида имкониятга эга бўлди, бироқ зарбаси нишонга бормади ва вазиятда офсайд ҳам қайд этилди. Биринчи бўлим охирларида эса Ян Диоманднинг узатмасидан кейин Антонио Нусунунг зарбасини дарвозабон қайтарди.

66-дақиқада РБ Лейпцигнинг бурчакдан узатмаси муваффақиятсиз чиққандек кўринди, аммо ҳужум давом этди ва Диоманд рикошет ёрдамида тўпни дарвозага йўллаб, ҳисобни очди — 0:1.

Учрашувнинг компенсация қилинган дақиқаларида Давид Раум жарима майдонида Мартейн Карсга қарши қоида бузди ва ҳакам пенальти белгилади. 11 метрлик зарбани Карс голга айлантирди: дарвозабон зарба йўналишини топган бўлса-да, тўпни қайтара олмади — 1:1.

Дурангдан сўнг “Буқалар” турнир жадвалида 4-ўринга кўтарилди, Санакт-Паули эса пастки қисмда — охирдан иккинчи поғонада қолмоқда.