Агент Захарянни кескин танқид қилди: яна бир омадсиз легионер
Футбол агенти Денис Лахтер россиялик ярим ҳимоячи Арсен Захаряннинг Испаниянинг «Реал Сосьедад» клубидаги фаолияти юзасидан кескин фикр билдирди. Бу ҳақда euro-football.ru хабар беради.
Агентнинг айтишича, Захарян Россиядан ташқарида барқарор ўйин кўрсата олмайди. Лахтер футболчида на етарли характер, на ажралиб турадиган ўйин фазилатлари борлигини таъкидлади. Унинг фикрича, Захарян Россия ва Испанияда пулни «топмаган», балки шунчаки «олган» ва у Европада ўзини йўқотган навбатдаги россиялик футболчилардан бири.
Эслатиб ўтамиз, 22 ёшли ярим ҳимоячи 2023 йил ёзида Сан-Себастьян жамоасига бориб қўшилган.
Захаряннинг «Реал Сосьедад» билан амалдаги шартномаси 2029 йил ёзигача мўлжалланган. Футболчининг трансфер қиймати 7,5 миллион еврога баҳоланмоқда.