Панкаро Аллегри «Милан» билан жуда яхши ишлаяпти деб ҳисоблайди
Италиялик собиқ футболчи Жузеппе Панкаро аввал ўзи ҳам тўп сурган «Милан» бу мавсум А Серия чемпионлиги учун «Наполи» ва «Интер» билан тенг кураша олишига ишонмоқда. Бу ҳақда euro-football.ru хабар беради.
Панкаро фикрича, жамоа чемпионатда барқарор ўйин кўрсатмоқда, Массимилиано Аллегри эса ўз ишини юқори даражада бажаряпти. Унинг айтишича, натижалар бунга яққол далил ва «Милан» чемпионлик учун реал даъвогар.
Ҳозирда «Милан» А Серия жадвалида иккинчи ўринда бормоқда. Якшанба куни клуб «Рома»га қарши майдонга тушади. «Милан» охирги бор 2022 йилда Италия чемпиони бўлган.