Ўзбекистон футбол кубоги формати ўзгартирилди
Ўзбекистон Профессионал футбол лигаси мамлакат кубоги мусобақасини ўтказиш тартиби янгиланганини маълум қилди. Қайд этилишича, қарор Ўзбекистон терма жамоасининг 2026 йилги жаҳон чемпионати билан боғлиқ режаларини, шунингдек, май ойига мўлжалланган йиғинларни инобатга олган ҳолда қабул қилинган. Бу ҳақда podrobno.uz хабар беради.
Янги форматга кўра, турнир иштирокчилари бир неча “сават”га ажратилади. Биринчи саватга ўтган мавсум Суперлигада 1–8-ўринларни эгаллаган клублар киритилади. Иккинчи саватни 9–15-ўринларда якунлаган жамоалар ташкил этади. Про лига ва Биринчи лига клублари эса қуйи саватлардан жой олади.
ПФЛ биринчи саватдаги жамоалар учун қўшимча мураккабликлар юзага келиши мумкинлигини ҳам таъкидлади. Май ойидаги терма жамоа йиғини ҳамда ЖЧ–2026га тайёргарлик доирасида ушбу клублар футболчилари терма жамоага чақирилиши эҳтимоли юқори, бу эса кубок ўйинлари натижаларга таъсир кўрсатиши мумкин.
Шунингдек, Ўзбекистон кубогининг плей-офф босқичи — ярим финал ва финал учрашувлари — марказлашган форматда ўтказилади. Бу клубларга ҳал қилувчи ўйинларнинг аниқ санаси ва манзилини олдиндан билиш имконини беради.
ПФЛга кўра, киритилган ўзгаришлар халқаро тақвим ва миллий терма жамоа манфаатларини ҳисобга олган ҳолда мусобақани самаралироқ ташкил этишга қаратилган.