Умарали Раҳмоналиев «Рубин»дан Озарбайжоннинг «Сабаҳ» клубига ўтди
Ўзбекистонлик ярим ҳимоячи Умарали Раҳмоналиев Қозоннинг «Рубин» клубидан Боку шаҳридаги «Сабаҳ» жамоасига трансфер қилинди. Россия клуби бу ҳақда Telegram-канали орқали маълум қилди.
Раҳмоналиев «Рубин» сафида 2023 йилдан 2025 йил январгача тўп сурди. Шундан сўнг у «Сабаҳ»га ўтиб, аввалига ижара асосида жамоа шарафини ҳимоя қилган.
Футболчи Қозон клубида жами 27 учрашувда майдонга тушиб, 1,7 минг дақиқа ҳаракат қилди. «Сабаҳ» таркибида эса 36 ўйинда қатнашиб, 3 та гол урди.
Transfermarkt маълумотларига кўра, ўтган йил декабр ойи охирида футболчининг трансфер қиймати 800 минг еврoни ташкил этган. 2025–2026 йилги Озарбайжон премьер-лигаси мавсуми якунига кўра «Сабаҳ» 37 очко билан биринчи ўринни эгаллаган, Россия премьер-лигасида эса «Рубин» 23 очко билан еттинчи поғонада бормоқда.