Педро Нету Маресканинг «Челси»дан кетишига муносабат билдирди
«Челси» вингери Педро Нету клуб бош мураббийи Энцо Мареска билан хайрлашув ҳақидаги фикрларини айтди. Италиялик мутахассис 2026 йилнинг 1 январ куни лавозимидан кетган, у жамоани бир ярим йил бошқарган. Бу ҳақда euro-football.ru хабар беради.
Нетунинг сўзларига кўра, бу хабар уни ҳайратда қолдирган: мураббий ўзини яхши томондан кўрсатган, ўтган мавсум жамоа унинг қўл остида жуда кучли ўтказган, жорий мавсумда ҳам натижалар ёмон бўлмаган.
«Мен учун бу қайғули. Энцо менга жуда кўп ёрдам берди, ундан кўп нарсани ўргандим. Инсон сифатида ҳам у жуда яхши. Фақат миннатдорлик билдира оламан», — деди Нету Sky Sports’га берган интервьюсида.
Манбаларга кўра, «Челси»да Маресканинг ўрнини эгаллаши мумкин бўлган асосий номзод сифатида ҳозир «Страсбур»ни бошқараётган Лиам Розеньор тилга олинмоқда.