Канселу қишда Европага қайтиши мумкин, уч клуб қизиқаяпти
«Ал-Ҳилол»нинг ўнг қанот ҳимоячиси Жоау Канселу қишки трансфер ойнасида Европага қайтишни режалаштирмоқда. Бу ҳақда euro-football.ru хабар беради.
Сўнгги кунларда португалиялик футболчининг Саудия Арабистонини тарк этиши мумкинлиги ҳақида гап-сўзлар кучайди. Инсайдер Фабритсио Романо маълумотига кўра, Миланнинг «Интер» клуби 31 ёшли ҳимоячини ижарага олиш вариантини муҳокама қилиш учун «Ал-Ҳилол» билан аллақачон боғланган. Шунингдек, «Барселона» ва «Ювентус» ҳам ўйинчи бўйича сўров юборган.
Канселу Ар-Риёд клубига 2024 йил ёзида «Манчестер Сити»дан кўчиб ўтганди. Қизиқ томони, у аввалроқ «Барселона», «Ювентус» ва «Интер» сафида ҳам тўп сурган. Transfermarkt портали ҳимоячининг жорий нархини 10 миллион евроға баҳоламоқда.