«Астон Вилла» 2025 йилда иккинчи бор тўрт гол ўтказди
АПЛнинг 19-тури учрашувларида турнир етакчиси бўлган Лондоннинг «Арсенал» жамоаси «Астон Вилла»ни йирик ҳисобда мағлуб этди. «Вилланлар» илк бўлимда муносиб қаршилик кўрсатди, бироқ танаффусдан кейин ўз дарвозасидан кетма-кет тўртта гол ўтказиб юборди. Бу ҳақда euro-football.ru хабар беради.
Маълум бўлишича, «Астон Вилла» 2025 йил давомида атиги иккинчи марта бир ўйинда тўртта ёки ундан кўп гол ўтказди. Биринчи ҳолат февраль ойида қайд этилган — ўшанда жамоа «Кристал Пэлас»га 1:5 ҳисобида имкониятни бой берганди.
Чемпионат доирасидаги навбатдаги учрашувда «Астон Вилла» 3-январ куни «Ноттингем Форест»га қарши майдонга тушади.