Жоау Канселу қишда «Ал-Ҳилол»ни тарк этиши мумкин
«Ал-Ҳилол»нинг қанот ҳимоячиси Жоау Канселунинг келажаги Саудия клубида мавҳумлигича қолмоқда. Қишки трансфер ойнасида португалиялик футболчи жамоани тарк этиши эҳтимоли кучли. Бу ҳақда euro-football.ru хабар беради.
Мавсум бошида Канселу жароҳат олиб, Саудия Арабистони чемпионати ўйинлари учун рўйхатдан ўтказилмаганди. 31 ёшли ҳимоячи ҳозир соғлом бўлса-да, бош мураббий Симоне Индзаги уни мавсумнинг иккинчи қисми учун қайд этишга қарши экани айтилаётган. Transfer News Live саудиялик манбаларига таяниб хабар беришича, январ ойидаёқ футболчи клуб билан хайрлашиши мумкин.
Канселунинг «Ал-Ҳилол» билан шартномаси 2027 йилгача мўлжалланган. Transfermarkt баҳосига кўра, унинг трансфер қиймати 10 миллион еврoни ташкил этади.