Тер Штеген мундиални эмас, «Барселона»ни устун қўйишга тайёр
«Барселона» дарвозабони Марк-Андре тер Штеген жамоани тарк этиб, Жаҳон чемпионати йўлида кетишни ўзига мақсад қилмаган. Бу ҳақда euro-football.ru хабар беради.
«Кўк-анорранглилар» сардори асосий таркибдаги ўрнини бой бергани сабабли, Германия терма жамоасига 2026 йилги мундиал олдидан қайтиши ҳам савол остида қолмоқда. Шунга қарамай, тер Штеген бўлажак турнир ғоясига берилиб кетмаган: журналист Адриа Албетс хабарига кўра, агар унинг даражасига мос клублардан жозибадор таклифлар бўлмаса, у «Барселона»да ҳатто захира мақомида ҳам қолишга тайёр. Ҳозирча 33 ёшли футболчи учун бундай вариантлар пайдо бўлгани йўқ.
Тер Штеген декабр ойида, ёзда олган бел жароҳатидан сўнг, сафга қайтди.