«Атлетико» «Шон-шаъраф йўлаги»дан Куртуа суратни олиб ташлайди
Мадриднинг «Атлетико» клуби стадионга киришдан олдин мухлислар ўтадиган «Шон-шаъраф йўлаги»даги галереядан Тибо Куртуанинг фотосуратни олиб ташлайди. Шунингдек, галереяга киритиш мезонлари ҳам қайта кўриб чиқилади.
Аввал ёзилмаган қоида сифатида футболчи клуб сафида камида 100 та ўйин ўтказиши шарт, деб ҳисобланган. Шу сабабли, масалан, «Атлетико» олдидаги хизматларига қарамай, Луис Суарес ва Радамел Фалькаонинг суратлари бу йўлакда бўлиши мумкин эмас эди.
Энди у ерда белгиялик дарвозабоннинг ҳам сурати бўлмайди. Бунга, жумладан, унинг Мадриднинг «Реал» клуби билан яқин алоқалари ҳам сабаб сифатида кўрсатилмоқда.
Бундан ташқари, «Атлетико» мухлислари Уго Санчеснинг фотосуратни ҳам олиб ташлашни талаб қилмоқда: 1980-йилларнинг биринчи ярмида клубда ўйнаган мексикалик ҳужумчи 1985 йилда тўғридан-тўғри «Реал»га ўтиб кетгани учун уларни анчадан бери ранжитиб келади.