Левандовски футболнинг энг қийин жиҳатини айтиб берди
Жорий мавсумда поляк футболчи ҳар доим ҳам асосий таркибда майдонга тушмаяпти, бироқ барибир анча самарали ўйин кўрсатмоқда. “Чўққига чиқиш унчалик ҳам қийин эмас.
Асл синов — йилдан йилга энг юқори даражада қолиш, мотивацияни йўқотмаслик. Фақат истакнинг ўзи етарли эмас — берилиб кетиш керак.
Муваффақиятга эришганингиздан кейин ҳам ривожланишда давом этиш учун берилиб кетган бўлиш зарур”, — дея Левандовскининг сўзларини The Touchline келтирди. Роберт Левандовскининг “Барселона” билан шартномаси 2026 йил ёзида якунланади.
Юлдузли ветеран ҳозирча фаолиятини қаерда давом эттиришини билмаяпти.