Асадхўжа Мўйдинхўжаев Багамалик рақибини қандай таслим қилди? (видео)
Бирлашган Араб Амирликларининг жаҳон саҳнасига айланган Дубай шаҳрида эркаклар ўртасидаги бокс бўйича Жаҳон чемпионати қизғин паллада давом этмоқда.
67 килограмм вазнда рингга кўтарилган ҳамюртимиз Асадхўжа Мўйдинхўжаев Багама ороллари спортчиси Рашиелд Уильямсга қарши баҳс олиб борди. Ушбу тўқнашув олдиндан ҳам қизиқиш ўйғотганди, чунки Асадхўжанинг жанг услуби, ҳаракат тезлиги ва техник тайёргарлиги мухлислар орасида аллақачон эътироф этилган.
Кутилаётганидек, рингда устунлик тўлиқ боксчимиз томонида бўлди — у ҳар бир эпизодда ташаббусни ўз қўлига олди, рақибини қайта-қайта қийин аҳволда қолдирди ва якунда ҳакамларнинг бир овоздан чиқарган қарорига мувофиқ муносиб равишда зафар қозонди.
Бу ғалаба нафақат Асадхўжанинг ўзбек боксидаги ўрнини яна бир бор мустаҳкамлади, балки терма жамоамизнинг умумий руҳиятини ҳам яна кўтарди.