Бокс бўйича ОЧ—2022. Абдумалик Ҳалоков ва Руслан Абдуллаев финал йўлланмасига эга бўлди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Абдумалик Ҳалоков Фото: Бокс федерацияси Иорданиянинг Амман шаҳрида бокс бўйича Осиё чемпионатининг ярим финал баҳслари 10 ноябрь, пайшанба куни бўлиб ўтмоқда. -57 кг вазн тоифасида ҳаракат қиладиган Абдумалик Ҳалоков ярим финалда Мўғулистон вакили Гантумур Лундага қарши рингга кўтарилди. Ҳалоков раундларнинг барчасини ўз фойдасига ҳал қилди ва финал йўлланмасига эга бўлди. -63,5 кг вазн тоифаси вакили Руслан Абдуллаев эса финал йўлланмаси учун Чу Эн Лаи (Хитой Тайпейи) билан куч синашди. Абдуллаев жангда рақибига ҳеч қандай имкон қолдирмай, ғалаба эришди ва финал йўлланмасига эга бўлди. Аввалроқ Ҳасанбой Дўстматов, Лазизбек Муллажонов ва Саиджамшид Жаъфаров финал йўлланмасига эга чиққанди.