Тожикистонда тошқин оқибатида тўққиз киши ҳалок бўлди (видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: rus.ozodi.org Тожикистон ҳукумати тошқинлар оқибатида юз берган табиий офатлар 9 кишининг ўлимига олиб келганини маълум қилди. Бу ҳақда rus.ozodi.orgга таяниб NewTimes.kz хабар беради. Фавқулодда вазиятлар қўмитаси ўз баёнотида табиий офатлар асосан Хатлон вилояти ва республикага бўйсунувчи вилоятларга таъсир қилганини айтди. Баъзи фуқаролар расмийларни бундай тадбирларга тайёр эмасликда айблашмоқда. Маълумотларга кўра, 12 май тонгига қадар 9 киши ўлгани тасдиқланган. Шамсиддин Шохин туманида битта оиладан уч киши ҳалок бўлган. Маълумки, ўлганлар 39 ва 29 ёшда, учинчиси 10 ёшда бўлган. Уларнинг барчаси сел оқизиб кетган машинада бўлишган. Фавқулодда вазиятлар қўмитаси маълумотларига кўра, янги кўчкилар хавфи Тожикистонда камида 14 майгача сақланиб қолади.