O‘shda Navoiyning 580 yilligi nishonlandi (FOTOGALEREYA)
9 - fevral kuni O‘sh shahri markazidagi Navoiy nomidagi istirohat bog‘i kiraverishida joylashgan Navoiy haykali yonida adabiyot muhlislari, rasmiylar hamda maktab o‘quvchilaridan iborat yuzga yaqin odam yig‘ildi.
Har yili 9 - fevral kuni o‘tkaziladigan bu tadbirda ilk bor O‘zbekistonning Qirg‘izistondagi elchixonasi nomidan O‘zbekiston yoshlari umumjaxon assotsiyatsining Qirg‘izistondagi vakili Boburmirzo Abdusamadov ishtirok etdi.
Yig‘ilganlar hazrat she’riyatidan namunalar aytib, uninng asarlari mazmuni bilan o‘rtoqlashishdi. Shundan so‘ng, Zahirriddin Muhammad Bobur nomidagi O‘sh davlat akademik drama teatri ijodkorlari tomonidan tayyorlangan adabiy kecha o‘tkazildi.