Василий Ломаченко: «Ҳакамлар қарорига қўшилмайман» — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Instagram Бокс бўйича учта дивизион собиқ чемпиони Василий Ломаченко (14-2, 10 КО) Теофимо Лопесга (16-0, 12 КО) қарши жангдаги ҳакамлар қароридан норози бўлди. «Билмадим, менга жангнинг биринчи ярми тенг курашлар остида ўтгандек туюлди. Балки, у 1-2 раундни ўз фойдасига ҳал қилгандир, бироқ жангнинг иккинчи ярмида фаолликни оширдим. Ўйлашимча, жангнинг иккинчи ярмини ўз фойдамга ҳал қилдим. Уйга бориб, жангни кўриб чиқмоқчиман, бироқ ҳакамлар қарорига қўшилмайман. Ғолиб бўлдим деб ўйлагандим, аммо натижа бошқача бўлди. Промоутер ва менежерим билан гаплашиб оламиз, шундан кейин бир қарорга келамиз», — дейди Ломаченко. 12 раунд давом этган жангда ҳакамлар Лопесни ғолиб деб топди. Шу тариқа америкалик спортчи WBA, WBO, IBF ва WBC Franchise камарларига эга чиқди. Статистикага кўра, украиналик боксчи рақибига қараганда деярли икки баробар кам зарба йўллаган, бироқ аниқ берилган берилган зарбалар борасида устунликка эга бўлди.