Электр бўлмаса ҳам ишлайверадиган ўзбекча аттракцион (видео)
???? Каналга қўшилинг! ????
https://t.me/joinchat/AAAAADwt0NGCRoONT4f1_Q
Ижтимоий тармоқларда Ўзбекистондаги шаҳарлардан бирида (тасдиқланмаган маълумотларга кўра, Жиззах шаҳрида) жойлашган истироҳат боғида олинган қизиқарли видеоёзув тарқалди. Унда бир киши оёқлари билан педалларни айлантираётганини, ўз навбатида бу болалар учун мўлжалланган аттракционнинг ишлашига сабаб бўлаётганини кўриш мумкин. Фойдаланувчилар видеога: «Электр таъминотидаги узилишлар вақтида айни муддао экан», қабилида муносабатлар билдирган. Аттракцион қайсидир маънода Ғафур Ғуломнинг «Шум бола» қиссаси асосида 1977 йили «Ўзбекфильм» киностудияси томонидан суратга олинган фильмдаги бозор лавҳаларини ёдга солади — унда ҳам видеодаги ўхшаш аттракцион одам кучи билан ҳаракатга келтирилади. Фақат бир фарқи бор — «Шум бола» фильмида 1900 йиллар бошидаги аҳвол кўрсатилган, Жиззахда олингани тахмин қилинаётган юқоридаги видео эса XXI асрнинг иккинчи декадаси бошига мансуб.