УФОЛОГЛАРДАН БИРИ ОЙДАН ЎЗГА САЙЁРАЛИКЛАР КЕМАСИ ҲАВОГА КЎТАРИЛГАНИГА ГУВОҲ БЎЛДИ…
Ҳаваскор астроном ва уфолог Брюс Сисалл яқинда ўзининг кузатув ускунаси орқали Ер йўлдошининг устки қисмидан диск шаклидаги улкан фазо кемаси ҳавога кўтарилганини кўриб қолди. Видеолавҳани дарҳол интернетга жойлади. Матн тузишда эса бу фазо кемаси ўзга сайёраликларга тегишли эканига шубҳаси йўқлигини ҳам тиркаб ўтди. Аммо ҳар каллада ҳар хаёл деганларидек, кўпчилик уфологлар Сисаллнинг хулосаларини инкор этишди. Айтишдики, бу фазо кемаси америкаликларга тегишли эмиш. Ваҳоланки, америкаликларнинг қачонлардир Ойга қўниши билан боғлиқ воқеа ҳали ҳануз муҳокама қилинмоқда. Шундай экан, қандай қилиб улар Ойга фазо кемасини қўндира олишади? Қолаверса, агар америкаликлар фазо кемаси Ойни забт эта олса, Сисалл каби уфолог олимлар ҳаётда ойни суратга олиш, кузатиш имконига эга бўла олишмасди. НАСА уёқда қолиб Оқ уйнинг ўзи бу масалани махфийлаштириб ташлаган бўларди.
Бир сўз билан айтганда, яқин вақтларда ўзга сайёраликларнинг Ойни забт этганлиги ҳақидаги маълумотлар яна бир бор ўз исботини топди. Демак, ўзга сайёраликлар Ер йўлдошини аллақачон забт этиб, у ерга худди ўз уйига келгандек бемалол келиб кетмоқда.