НАТОда Суриядаги «Тинчлик булоғи» операцияси бўйича фавқулодда штаб ташкил қилинди
???? Каналга қўшилинг! ????
https://t.me/joinchat/AAAAADwt0NGCRoONT4f1_Q
Фото: «Tvc.ru» НАТОда Туркиянинг Сурия шимоли-шарқидаги ҳарбий операцияси ва унинг оқибатларини ўрганувчи фавқулодда инқироз штаби ташкил қилинди. Бу ҳақда Deutsche Welle'га таяниб Дарё хабар берди. Ушбу тузилма таркибига разведка ва хавфсизлик масалалари бўйича экспертлар, ҳарбий операциялар бўйича мутахассислар ҳамда сиёсий маслаҳатчилар киритилган. 16 октябрь, чоршанба куни ўтган Шимолий Атлантика иттифоқига аъзо давлатларнинг 29 нафар раис ўринбосари иштирок этган йиғилишда Туркия альянс бўйича ҳамкорларини ўз ҳарбий ҳаракатлари ва қочоқлар оқими ҳақида хабардор қилиб туришини ваъда қилганди. Шунингдек, йиғилишда Анқара вакили операциянинг ноябрь биринчи ярмигача давом эттиришини билдирган. Ушбу маълумотлар 120 соат давомида ўт очишни тўхтатиб туриш бўйича келишувдан олдин берилган. 9 октябрда Туркия Сурия шимоли-шарқида «Сурия демократик кучлари», Курдистон ишчи партияси ва ИШИД жангариларига қарши «Тинчлик булоғи» операциясининг бошланганини эълон қилган. АҚШ ушбу ҳаракатларда иштирок этмаслигини билдирган ва ўз қўшинини операция ўтадиган ҳудуддан узоқлаштирган. Европа давлатлари, АҚШ, Эрон, Ироқ, Миср, Канада ва бошқа мамлакатлар ушбу ҳаракатларни кескин қоралаган.