ЖИЗЗАХ – “Қимматлаб кетган “арзон” уйлар бойлар қўлига ўтиб кетмоқда” (ВИДЕО)

МИРЗАЧЎЛ. “Жиззах вилоят, Мирзачўл туман, Гагарин шаҳри Ғалаба маҳалласи Барокат кўчасидан ёзмоқдамиз. Маҳалламизда кам таъминланган, боқувчиси йўқ, ногирони бор оилалар кўпчиликни ташкил этади. 2018 йил барак типидаги эски уйларимизни бузиб, бизга ҳашар йўли билан арзон уйлар қурилди. Қурилишга бош сифатида президент маслаҳатчиси Т.Худойберганов келди. “Сизларга ҳомийлар ёрдамида арзон уй қуриб берамиз. Нари борса 90 миллион сўм бўлади. Ойига 250 минг сўмдан тўлаб узасизлар” деди у. Уйлар шошилинч қурилгани сабаб жуда камчиликлари кўп. Нарх борасида ҳам президент маслаҳатчиси ваъдасида турмади. “Арзон” уйлар нархи 231 миллион сўмга чиқиб кетди. Кўпчилик кредит фоизларидан қарзга ботган, банклар судга берамиз деб огоҳлантирмоқда. Оғир шароитдаги 54 та оила учун қурилган арзон уйлар аста-секин пулдорлар қўлига ўтиб кетмоқда. 

Куни кеча эса зўравонлик билан газимизни ҳам узиб кетишди. Мутасаддилардан оғир аҳволдаги оилалар номидан ёрдам сўраймиз”.

(Бу хабар Озодликка 15 октябрь куни келган.) 

Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​