Украина янги президенти бўлғуси давлат хавфсизлик хизмати раҳбарини танлади…
У «Батькивщина» партияси аъзоси, Олий Рада депутати Владислав Бухарев бўлиб чиқди. Бухарев бундан буён Украина хавфсизлик хизмати раҳбари сифатида фаолият юритади. Ҳозирги пайтда Бухарев ўзига алоҳида жамоа тўплашга тушиб кетган.
У сиёсат оламига кириб келмасдан бурун мамлакат хавфсизлик хизматида кичик раҳбарлик лавозимларида ишлаган. Солиқ милицияси бошлиғи лавозимида ҳам қачонлардир фаолият юритган. 2014 йили Олий Рада депутатлигига сайланди. Юлия Тимошенконинг партияси сафига аъзо бўлиб кирди.
Бу ҳам ҳаммаси эмас. У Украина янги президенти Владимир Зеленскийнинг яқин дўсти экан. Олий Рада депутатлигига сайлангач, ўзи туғилиб ўсган Сумск вилоятига Зеленскийнинг «95-квартал» студиясини концерт бериш учун олиб келган. Чипталар текин тарқатилган. Зеленский ва унинг ҳамроҳларига гонорарни Бухарев шахсан ўзи тўлаган. Шундан кейин улар қалинлашиб кетишди. Ҳар йили Зеленский Сумскга келиб концерт берадиган бўлди. Гонорарни эса биринчи марта бўлганидек, Бухаревнинг ўзи ёнидан тўлаган.