Ўйлаб кўрдингизми? 2019 йил 31 март куни юлдузлар сизга нималарни ваъда қиларкин?
ҚЎЙ (21. 03 — 20. 04)
31 март куни қисқа масофага шахсий иш билан сафар уюштиришингиз кутилади. Бугун янги танишувлардан бош тортинг. Ўзингиз билган, таниган, синалган одамлар билангина мулоқот қилинг. Улар билан очиқчасига гаплашинг. Кимнидир ранжитиб қўйишдан сақланинг. Куннинг иккинчи ярмида саломатлигингизга алоҳида эътибор қаратишингиз талаб этилади. Оиласизларни кечқурун романтик учрашув кутиб қолади.
БУЗОҚ (21. 04 — 21. 05)
Сафарни, харидларни ва дўстлар билан учрашиб суҳбатлашишни пухта режалаштириб олинг. Қай соҳада ишга қўл урманг, қай масалада гапирманг, чегарадан чиқмаслигингиз тавсия қилинади. Бировларни ранжитиб қўйишдан эҳтиётланинг. Билинг, атрофингиздагилардан кимдир сизга қарши тиш қайраб юрибди. Эҳтиётингизни қилинг. Ҳеч кимга келажак режаларингизни айтманг. Шахсий ҳаётда ташаббускор бўлинг. Кечқурун тоза ҳавода албатта сайр қилинг.
ЭГИЗАКЛАР (22. 05 — 21. 06)
31 мартда эрталабоқ молиявий соҳада муваффақиятларга эришишингиз кутилмоқда. Пулингиз керагидан анча ортиқни ташкил этади. Дўстларингиздан бири билан бўлиб ўтадиган фавқулодда суҳбат кўзингизни мошдек очиб, дунёга бўлган муносабатларингизни ижобий тарафга ўзгартиради. Бугун олис сафарга отланманг, муваффақиятсизликка юз тутасиз. Кечқурун овқатланишда ҳаддингизни билинг. Ортиқча таом еб қўйишдан сақланинг.
ҚИСҚИЧБАҚА (22. 06 — 23. 07)
Куннинг биринчи ярмида янги танишувни бошдан кечирасиз. Бу танишув айрим принципларингизни йўқ қилиб, сизни янада ёрқин йўлга бошлайди. Табиатингизга хос камгаплик атрофингиздагиларнинг баъзиларига ёқиб тушмаслиги мумкин. Лекин жанжаллашиб ўтиришга сира ҳожат йўқ. Бугун ҳуқуқий ва молиявий соҳа билан боғлиқ ишлар муваффақиятли якун топади. Тадбиркор бўлсангиз, муҳим ҳужжатларга жуда эҳтиёткорлик билан имзо қўйинг. Саломатлигингизни асранг.
АРСЛОН (24. 07 — 23. 08)
31 март куни рўзғор ҳамда молия билан боғлиқ ишларда фаоллигингиз яққол кўзга ташланади. Шу тобда ўзингиздаги ҳали ҳеч кимга маълум бўлмаган жиҳатларни намойиш этасизки, қолганлар сиздан ўрнак олиш ҳаракатига тушади. Агар профессионал касбингиз билан боғлиқ ишингиз доирасида янги лойиҳалар бўлса, уларни четга сура туринг. Ҳали уларни ҳаётга тадбиқ этиш пайти етмаган. Бугун ҳар қандай кўриниш ва масофадаги сафарлар муваффақиятли кечади.
ПАРИЗОД (24. 08 — 23. 09)
Эрталаб бир-биридан ажойиб инсонлар билан танишиб дўстлашасиз. Улар билан фикрингиз бир жойдан чиқиши айниқса қувонарли ҳолдир. Ҳатто, айримлар шу инсонлар билан ҳамкорликда бизнес очиш масаласини ҳам ўйлаб кўра бошлайди. Саломатлигингизга асло лоқайд муносабатда бўлманг. Мунтазам ҳамда меъёрда овқатланишингиз саломатлик гарови эканини унутманг. Ўзингизни эҳтиёт қилинг.
ТАРОЗИ (24. 09 — 23. 10)
31 мартда тарози буржи остида туғилганлар янги экспериментлар, бировларнинг сирини ошкор этиш ҳаракатида бўлишади. Қизиқувчанлик яхши. Аммо чегарадан чиқишингиз тавсия этилмайди. Бугун турли кўринишдаги тадбирлар, семинарлар ва курсларга қатнаш омадли кечади. Сизда истеъдод етарли. Демак, бу тадбирларда ўз истеъдодингизни намойиш этишингиз учун қулай имконият туғилади. Саломатлигингизни асранг.
ЧАЁН (24. 10 — 22. 11)
Куннинг биринчи ярмида ўтмишни обдон ковлаштирсангиз, омадсизликларнинг асл моҳиятини англаб етасиз. Барча кўнгилсизликларга сабаб бўлган лаҳзаларни ўз кўзингиз билан кўрасиз. Бунга баҳона ҳам тайёр туради. Оиласизларнинг суюклиси билан боғлиқ азалий орзуларидан бири ушалади. Кечки пайт қўшимча даромад келтирувчи иш топишингиз кутилмоқда. Ажаб эмаски, шу баҳонада моддий аҳволингизни яхшилаб олсангиз.
ЎҚОТАР (23. 11 — 21. 12)
31 март куни моддий жиҳатдан қийин аҳволга тушиб қолмаслик учун ҳомий қидиринг. Пулдор танишлардан кимдир сизга пулдан ёрдам қилиб юборсин. Қарзни эса бир кун келиб албатта узасиз. Оилангиздаги яқинларнинг аҳволи ҳам моддий аҳволингиз билан боғлиқ бўлиб турибди. Оилали бўлсангиз, жуфтингиз билан ўзаро муносабатларда гармония ҳукм сурмаётганини ўзингиз ҳам кўриб турибсиз. Гармонияни жойига қўйиш пайида бўлинг. Кечқурун овқатланиш режимига яна бир карра кўз ташлаб олинг.
ТОҒ ЭЧКИСИ (22. 12 — 20. 01)
Кунингиз оғир кечиши эҳтимолга яқин. Ўтмишдан қуйилиб келган шахсий муаммоларингиз кунингизни ана шундай оғир аҳволга солиб қўяди. Бундан ташқари, ғийбатчиларнинг асоссиз ғийбатлари ва миш-мишлари кайфиятингизни бузиши мумкин. Аммо иш бажаришда, муаммоларни бартараф этишда кучингиз ҳам, имкониятингиз ҳам етарли. Баъзилар юқори лавозимга тайинланиши ҳам эҳтимолдан холи эмас. Омадингизни берсин!
ҚОВҒА (21. 01 — 19. 02)
31 мартда молиявий соҳада кўплаб муваффақиятларни қўлга киритишингиз кутилади. Киссангизга ўзингиз чамалагандан ҳам кўпроқ пул келиб тушади. Оиласизларнинг яқинда ўзига бўлғуси жуфт топганлари ҳаётида ёқимли танаффуслар юзага келади. Танаффуслар баҳонасида ўзаро муносабатларингиз янада мустаҳкам тортади. Шахсий машинангиз бўлса, серқатнов йўлларда жуда эҳтиёт бўлинг. Кечқурун айримлар хизмат сафарига жўнаб кетиши кутилади. Ўзингизни эҳтиёт қилинг.
БАЛИҚ (20. 02 — 20. 03)
Бугун ўтмишингизга хаёлан саёҳат уюштиришингиз мумкин. Саёҳат давомида муҳаббат, шахсий ҳаётингиз билан боғлиқ ёдгорликларни ҳам кўриш бахтига муяссар бўласиз. Униб-ўсган шаҳрингиз, қишлоғингиз жамолини ҳам худди шу хаёлий саёҳат жараёнида албатта томоша қиласиз. Кечки пайт қариндошлар билан муносабатларингизга фавқулодда путур етиши мумкин. Бунга рўзғордаги икир-чикирлар сабабчи бўлади.
Хушвақт бўлинг! Ҳаммавақт бўлинг!
Олимжон ҲАЙИТ тайёрлади
