Владимир Путин Россия конституциясини ўзгартирадими? (видео)
0
Россия Президенти Владимир Путин АҚШнинг «NBC» телеканалига берган интервьюсида ўзининг шахсий манфаатларини кўзлаб мамлакат конституциясини ўзгартирмаслигини маълум қилди, дея хабар бермоқда «Хабар» нашри «Еuronews» телеканалига таяниб.
Унга берилган савол эса президент лавозимида ишлаш лимитининг ўзгартирилиши ҳақида эди. Интервью март ойининг бошида бўлиб ўтган. Унинг тўлиқ версияси 9 март куни эфирга узатилди.
Журналист Меган Келлининг Алексей Навалнийни авф этиш ва ўзи учун муносиб рақиб сифатида сайловга қайтариш ҳақидаги саволига у қуйидагича жавоб берди: «Биз ҳозир аниқ сиёсий кучлар ҳақида гапирмоқдамиз. Уларда мамлакатни ривожлантириш дастури йўқ». Путиннинг сўзларига кўра, Россияни ривожлантириш учун муаммоларни очиб ташлашнинг ўзи камлик қилади, мамлакатга яратувчанлик керак.