"Кредит мақсадсиз ишлатилган деб, пулни қайтаришимни талаб қилмоқда"
"Кредит мақсадсиз ишлатилган деб, пулни қайтаришимни талаб қилмоқда"
"Мен сизга Қашқадарё вилояти Косон туманидан ёзмоқдаман. Мен чорва моллари учун банкдан кредит олганман. Лекин, ўзим кўп қаватли уйда турганим сабабли банк ходимлари келиб, "бу домда туради, кредит мақсадсиз ишлатилган", деб, кредитни тўлик қайтаришимни талаб қилиб, судга беришибди.
Банкдан олган кредитга битта озғин сигир олганман¸ ëнида бешта қўй билан домнинг пастида боқаяпман.
Суд ҳам "қайтарилсин ва жарима солинсин", деб қарор чиқариб берган. Судга мен бормаганман. Далолатномани ҳам менсиз тузган. Шунақа суд ҳам бўладими? Лекин ойма-ой кредит тўловини кечиктирмасдан тўлаб келганман. “Ўшанча пулни мен ҳозир тўлолмайман, ойма-ой тўлайман” десам, банк мени МИБга бериб, ҳамма пластик карталаримни ёптириб ташлаган. Ҳозирда бошимда безга ўхшаган яра чиққан. 4 ойдан бери ойлик иш маошимни ололмайман. Дорига ҳам пулим йўқ. 2 ҳафтадан бери хотиним ўқишига боролмайди, йўлига пул топиб беролмаганимдан.
Ахир мен банк шартларини умуман бузмаганман. Кредитим 7 миллион сўмни ташкил қилади. Бу 9% фоизлик чорва кредити".
******************************************************************************
Резюме
"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************
Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!