Все новости

«Татар-информ» агентлыгы гыйнвар нәтиҗәләре буенча Дзен версиясе нигезендә федераль гаммәви мәгълүмат чаралары рейтингында 33нче урынны алды. Декабрь белән чагыштырганда мәгълүмат агентлыгы 23 позициягә күтәрелде.

Татарстан Инвестицион үсеш агентлыгы башлыгы Талия Миңнуллина «Татар-информ» агентлыгына республика белән Согуд Гарәбстаны арасында хезмәттәшлекне үстерү өчен перспективалы 3 өлкәне атады.

Сегодня в мечети «Чулпан» г.Новокузнецка, учащиеся группы изучения татарского языка им Габдуллы Тукая, провели краеведческий Круглый стол посвященный 120 летию, героя Советского Союза Муса Джалилю. Они также поздравили наших победителей, участников VII Всесибирского конкурса чтецов Священного Корана прошедшего в г.Новосибирске.

Новокузнецк шәһәренең «Чулпан» мәчетендә Габдулла Тукай исемендәге татар телен өйрәнү төркеме укучылары Советлар Союзы Герое Муса Җәлилнең тууына 120 еллыгына багышланган түгәрәк өстәл үткәрде. Бу хакта Бөтендөнья татар конгрессының матбугат хезмәте хәбәр итә.

Быел герой-шагыйрь Муса Җәлил истәлегенә багышланган көрәш турниры Чаллыда узачак. «Боз сараен эретәчәкбез. Утырырга урын да булмаячак», – дип вәгъдә итә оештыручылар. 63нче тапкыр үткәрелә торган иң абруйлы көрәш ярышының быелгы үзенчәлекләре турында «Татар-информ»да матбугат очрашуында сөйләделәр.

Фән һәм югары белем министрлыгы «Студентлар стартабы» конкурсының 7нче чираты башлануын игълан итте. Бу хакта Россия Хөкүмәте матбугат хезмәте хәбәр итә.

Сишәмбе, 10 февральдә, Татарстанда аязучан болытлы һава торышы көтелә. ТР Гидрометеорология һәм әйләнә-тирә мохитне күзәтү идарәсе мәгълүматлары буенча, төнлә урыны белән бераз кар яварга мөмкин, көндез явым-төшем көтелми.

6 февраль көнне Балтач районының Норма авылында тарихи вакыйга булды. Авылның тарихын, бүгенгесен чагылдырган «Олуг Норма авылы» дигән, ике өлештән торган китапны тәкъдим итү кичәсе узды. Бу хакта Бөтендөнья татар конгрессы матбугат хезмәте хәбәр итә.

Минзәләнең «Юность» боз сараена йөрүче 2015-16 елгы малайлардан торган «Кречеты» хоккей командасы 6-8 февраль көннәрендә узган «Боз һәм ялкын» турнирында беренче урынны алды. Бу хакта «Минзәлә» сайты хәбәр итә.

8 февральдә Алабуга шәһәренең «Батыр хан» кафесында «Хиҗаб» бәйрәме булды. Бәйрәм кичәсендә Алабуга муниципаль районында яшәүче 70 мөслимә катнашты. Аларның күбесе шәһәрнең «Җәмигъ» мәчете каршындагы мәдрәсәдә укучылар, аны тәмамлаучылар иде, дип хәбәр итә Бөтендөнья конгрессы матбугат хезмәте.

Буа шәһәренең 1 номерлы сәнгать мәктәбендә традицион «Гаилә тарихында гасырлар кайтавазы — Тарихта без эзлебез» республика фестиваленең муниципаль этабы узды. Бу хакта «Байрак» газетасы хәбәр итә.