Узган ел Казанда 3,5 меңгә якын махсус операция катнашучысы медицина ярдәме алды
Узган елда 3,5 меңгә якын махсус операция катнашучысы Казанда төрле яклы медицина ярдәме алган. Бу хакта Казан шәһәре Думасының VII сессиясендә Башкарма комитет җитәкчесе урынбасары Азат Абзалов хәбәр итте.
«Махсус операция катнашучылары һәм аларның гаиләләре өчен Казанда төрле яклап ярдәм, шул исәптән медицина ярдәме дә үткәрелә. Узган ел махсус операциянең 2,4 меңнән артык катнашучысы амбулатор ярдәм алган, 424е – стационарда ярдәм, 134 кеше медицина реабилитациясе узган, 81е шифаханә-курорт дәвалануына җибәрелгән», – дип санап китте Абзалов.
Казанда шулай ук психотерапевтик һәм медик-психологик ярдәм күрсәтәләр.