Милли музейда татар журналистикасы тарихы турында күргәзмә әзерләү турында сөйләштеләр
Татар журналистикасы тарихына багышланган күргәзмә «Татмедиа» АҖ һәм ТР Милли музееның хезмәттәшлеге нәтиҗәсе булырга мөмкин. Яклар бүген партнерлык килешүен имзалаган вакытта шундый экспозиция булдыру мөмкинлеге турында фикер алышты.
«Безне киләсе елга яки алдагы Матбугат көненә журналистика белән бәйле экспозиция әзерләү мөмкинлеге кызыксындыра», - диде очрашуда «Татмедиа» АҖ генераль директоры Шамил Садыйков.
Медиакомпания генераль директоры билгеләп үткәнчә, бүген журналистларга татар журналистикасы тарихын визуальләштерү җитми. Күргәзмә губерна яңалыкларыннан алып XXI гасырга кадәр чорны, ясалма фәһем һәм заманча медиаларны колачлый алыр иде.
ТР Милли музее генераль директоры Айрат Фәйзрахманов мондый экспозиция булдыру идеясен хуплады, киләсе елда музей «Татмедиа» АҖ белән берлектә җитди экспозиция әзерли алачагын билгеләп үтте.
«Без киләсе елга экспозиция планын үзгәртеп, оператив рәвештә шундый экспозиция әзерли алачакбыз», - диде Фәйзрахманов.