Бүген Татарстанда бераз яңгыр һәм +18 градуска кадәр җылы булуы көтелә
Бүген Татарстанда болытлы булачак. ТР Гидрометеорология һәм әйләнә-тирә мохитне күзәтү идарәсе фаразлавынча, бераз яңгыр явачак, көндез шулай ук яшенле яңгыр да булырга мөмкин.
Төньяк-көнчыгыштан 7-12 метр тизлектә искән җил көньяк-көнчыгышка күчә, иртән һәм көндез аның тизлеге урыны белән 15-20 метрга кадәр җитә.
Көндез максималь температура +8..+13 градус тәшкил итәчәк, көнчыгыш районнарда термометрның терекөмеш баганасы урыны белән +18 градуска кадәр күтәреләчәк.