Түбән Кама хәрби комиссариаты быел 150дән артык контрактникны хәрби хезмәткә озаткан
Түбән Камада гражданнарны контракт буенча хәрби хезмәткә җыю дәвам итә. Хәрби комиссариат быелның башыннан бирле 150дән артык кешене хәрби хезмәткә озаткан инде.
Хәрби комиссариатта билгеләп үтүләренчә, булачак контрактникларга хезмәт итү шартлары һәм сроклары, мөмкин булган юнәлешләр җентекләп аңлатыла, шулай ук тиешле түләүләр һәм ташламалар турында хәбәр ителә.
«Без аларга барлык этапларда да ярдәм итәбез – дәвалау учреждениеләренә алып барабыз, кирәкле документларны җыярга булышабыз, шәхси эшләрен формалаштырабыз», – дип хәбәр итте Түбән Кама районы хәрби комиссары Газинур Ситдыйков.
Түбән Кама хәрби комиссариатында, җирле халыктан тыш, Россиянең башка төбәкләрендә яшәүче гражданнар да контракт төзи ала.
РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры һәм 117 кол-үзәк төбәкара номеры буенча мөрәҗәгать итәргә була.
Фотоларны Надежда Баһаветдинова тәкъдим итте
Материал Надежда Баһаветдинова катнашында әзерләнде.