Илдар Миргалимов: Ясалма фәһем медиаландшафтны үзгәртә
Ясалма фәһем яшь буын арасында популяр, бигрәк тә 25 яшьтән яшьрәкләр арасында. Бу медиаландшафтны сыйфатлы үзгәртүгә китерә. Казанда «Энергопром» форумы кысаларында узган медиа чарада «Татмедиа» Республика матбугат һәм массакүләм коммуникацияләр агентлыгы җитәкчесенең беренче урынбасары Илдар Миргалимов шундый фикер белдерде.
«Аудитория мәгълүмат сорап ясалма фәһемгә мөрәҗәгать итә, бу интернет-сайтларга трафикны киметә һәм массакүләм мәгълүмат чараларын финанслау моделенә йогынты ясый», – дип билгеләде спикер.
Шул ук вакытта ул тармакның яңа технологияләр белән бергә үсүен дәвам итүен ассызыклады. «Безгә ясалма фәһем тәкъдим иткән чишелешләрнең дөреслеген күзәтергә һәм чынбарлыкны һәм кыйммәтне күзаллавыбызны чагылдыра торган сыйфатлы контент булдыруны дәвам итәргә кирәк», – диде Миргалимов.