22 мартта иртән Татарстанда томан көтелә
Гадәттән тыш хәлләр министрлыгында татарстанлыларны иртәгә республикада күзәтеләчәк томан турында кисәттеләр.
Татарстан халкына сак булырга киңәш итәләр. Юл аша чыкканда бары тик җир асты яки җир өсте кичүләреннән генә файдаланырга кирәк. Моннан тыш, ведомствода балаларны күз-колак булырга, шулай ук өлкән яшьтәге һәм авыру кешеләргә ярдәм итәргә чакырдылар.
Гадәттән тыш хәл килеп туган очракларда 112 номерына шалтыратырга кирәк.