Татарстанда Гадәттән тыш хәлләр министрлыгының күнегүләр полигоны төзеләчәк
Татарстанның Лаеш районында 1,3 миллиард сумга янгын сүндерүчеләр һәм коткаручылар өчен укыту-күнегүләр комплексы төзергә ниятлиләр. Шул хактагы тендер дәүләт сатып алулары сайтында урнаштырылган.
Объект Казан янындагы Габишев һәм Комлы Кавал авыллары янында урнашачак. Проект кунакханәсе дә булган күп функцияле бина, янгын депосы, шулай ук трибуналы футбол кыры төзүне үз эченә ала.
Проектның заказчысы – «ТР Баш төзелеш идарәсе» компаниясе. Контрактны үтәү срогы - 2027 елның 18 гыйнвары.