Татарстан халкына ракета һөҗүме куркынычы вакытында нәрсә эшләргә кирәклеген әйттеләр
Татарстанлыларга ракета һөҗүме куркынычы игълан ителгәч ниләр эшләргә кирәклеге турында сөйләделәр. Мондый сигнал халыкны ракета һөҗүме куркынычы турында кисәтү өчен бирелә.
Сигналны ишеткәч, кешеләр телевизор яки радионы кабызырга тиеш, анда рәсми мәгълүмат һәм гамәлләр тәртибе тапшырыла. Тынычлыкны сакларга һәм тиз эш итәргә кирәк.
Әгәр сез өйдә икәнһәм подвалга төшү мөмкинлеге булмаса, тәрәзәләрне ныклап ябарга һәм аларга якын килмәскә киңәш ителә. Газны, суны ябарга, утны сүндерергә, тәрәзәсез бүлмәгә кереп яшеренергә, тәрәзәләрдән ераграк, стена янында идәнгә утырырга кирәк. Тәрәзәсез бүлмәне (коридор, бәдрәф, кладовой) сайлау яхшырак.
Әгәр мөмкинлек булса, подвалга кереп яшеренергә: тәрәзәләрне, газ һәм суны ябарга, утны сүндерергә, документларны, телефонны, акчаны һәм кирәкле әйберләрне алырга кирәк. Күршеләрне кисәтергә, балаларга, өлкәннәргә, инвалидларга ярдәм итәргә. Подвалга яки тирәндәге ышык урынга төшәргә.
Әгәр автомобильдә яки җәмәгать транспортында булсагыз, транспортны туктатырга кирәк (яки машина йөртүчедән туктавын сорарга). Машинадан чыгып, якын-тирәдәге подвалга, базга, су агызу торбасына, башка ясалма ышык урынына качыгыз.
Әгәр урамда булсагыз, җир асты киңлегенең тирәнәйтелгән ышыгын, бинаның цоколь катын, җир асты парковкаларын яки башка сакланган конструкцияләрне эзләп табарга кирәк.
Яшеренү өчен яраклы булмаган урыннар:
- автотехника (җиңел һәм йөк автомобильләре, автобуслар) өчен урыннар;
- йорт, кибет диварлары астындагы урыннар: шартлау дулкыныннан югарыдан пыялалар коелып төшәчәк.
Мондый корылмалардан куркынычсыз ераклык - 30-50 метр.