Казанда фельдшерлар 27 минутка йөрәге туктаган ир-атны коткарган
Казанда ашыгыч медицина ярдәме станциясе фельдшерлык бригадасы йөрәге туктаган 41 яшьлек ир‑атны коткарган.
Гөлназ Нисапова һәм Альберт Сафиуллин составындагы бригада аңын югалткан ир-ат янына килә. Килү моментына аның көзән җыерулары, сулышы булмау һәм клиник үлем билгеләре күзәтелгән.
Табиблар LUCAS аппаратын тоташтырган, үпкәләрне ясалма вентиляцияли башлаганнар һәм транспортлау вакытында реанимация чараларын дәвам иткәннәр.
27 минуттан соң мониторда синус ритмы теркәлгән – йөрәк янәдән тибә башлаган. Пациентны алга таба дәвалану өчен стационарга китергәннәр.