Эре автоҗитештерүчеләр утильләштерү җыемын 2026 елның декабрендә түләячәк

Россиядәге автомобиль, үзйөрешле техника һәм прицеплар җитештерүче компанияләр өчен утильләштерү җыемын түләү срогын 2026 елның декабренә күчерделәр, тиешле карарны Россия Хөкүмәте кабул итте. Бу хакта РФ Сәнәгать һәм сәүдә министрлыгы хәбәр итте, дип яза ТАСС.

«Россиянең автотехника, авыл хуҗалыгы техникасы, юл-төзелеш һәм коммуналь техника җитештерүчеләренә 2025 елның IV кварталы һәм 2026 елның I-III кварталы өчен утильләштерү җыемын түләү срогы 2026 елның декабренә күчерелде», – дип аңлаттылар ведомствода.

Шул ук вакытта министрлыкта әлеге чара автомобиль җитештерүчеләрнең финанс эшчәнлегенең тотрыклылыгын тәэмин итүгә ярдәм итәчәк, дип белдерделәр.