Юрист торак-коммуналь хуҗалык өчен килгән ялган квитанциясенең биш билгесен атады
Дөрес күрсәтелмәгән идарәче компания, документтагы хаталар һәм гадәти булмаган суммалар, шулай ук QR-код аша түләгәндә «алучы» графасындагы шикле мәгълүматлар ТКХның ялган квитанцияләренең төп билгеләренә керә. Бу хакта «Яковлев һәм партнерлар» юридик төркеме эксперты Сергей Сергеевка сылтама белән РИА «Новости» хәбәр итә.
Квитанцияне тикшерү өчен белгечләр реквизитларны, түләүченең ФИОсын, аның шәхси кодын һәм идарәче компаниянең счетын чагыштырырга киңәш итә – алар килешү мәгълүматлары белән туры килергә тиеш.
Идарәче компания турында актуаль мәгълүмат алу өчен «ТКХ ГИС» сервисына мөрәҗәгать итәргә була: төп биттә «реестрлар» бүлеген сайларга, «торак фонды объектлары» на күчәргә һәм йортның адресын кертергә. Эзләү бушлай һәм авторизация таләп итми.