Татарстанда 55 оешма бушлай эксперт ярдәме алачак
Татарстанда «Хезмәт җитештерүчәнлеге» федераль проекты чараларын актив гамәлгә ашыру дәвам итә, аңа «Нәтиҗәле конкурентлы икътисад» илкүләм проекты да керә. 2026 елда проектта тагын 55 оешма катнашачак, дип хәбәр итә Татарстан Республикасы сәнәгать һәм сәүдә министрлыгының матбугат хезмәте.
«Татарстанда федераль проектта катнашучы компанияләрнең уртача икътисади нәтиҗәсе 20 млн сумны тәшкил итә. Проект оешмаларга экспертлар җәлеп итәргә булыша. Алар хезмәткәрләрне укыта һәм барлык коралларны практикада уртак куллана. Алынган компетенцияләр, белемнәр компанияләргә киләчәктә уңышларын арттырырга һәм ныгытырга мөмкинлек бирә», – диде Татарстан вице-премьеры – сәнәгать һәм сәүдә министры Олег Коробченко.
Барлык чаралар да дәүләт ярдәме булып санала һәм федераль проектта катнашучылар өчен тулысынча бушлай. Проектны тормышка ашыру өчен 2026 елда дәүләт 142,6 млн сум бүлеп биргән.
Искәртеп үтик, 2025 елда сакчыл җитештерү проектларын гамәлгә ашыру өчен Татарстанның 33 муниципаль берәмлегеннән икътисадның реаль тармагыннан 87 оешма җәлеп ителгән.
Федераль проектка Казаннан 15, Әлмәттән 11, Чаллыдан 10, Түбән Камадан 8 һәм Яшел Үзәннән оешма кергән.
Сакчыл җитештерү буенча проект уртача ярты ел дәвамында гамәлгә ашырыла. Узган елда аны 53 оешма уңышлы узган, калганнары 2026 елда тәмамлаячак.
Федераль проектта катнашучылар эксперт ярдәме алачак, аның ярдәмендә сакчыл җитештерү инструментларын кулланып, үз процессларындагы югалтуларны ачыклаячак һәм юкка чыгарачак, шулай ук хезмәт җитештерүчәнлеген арттыру буенча яңа компетенцияләрне үзләштерәчәкләр.
Тулырак мәгълүмат белән производительность.рф ИТ-платформасыда танышырга, шундук ук катнашуга гариза да калдырырга була.