Чүпрәле районында балалар бакчасының түбәсе өлешчә ишелгәннән соң җинаять эше кузгатылды
Чүпрәле районында балалар бакчасының түбәсе өлешчә ишелгәннән соң җинаять эше кузгатылган. Тикшерү нәтиҗәләре турында Россия Тикшерү комитеты рәисе Александр Бастрыкинга хәбәр итәчәкләр, дип хәбәр иттеләр ведомство матбугат хезмәтендә.
Инцидент 2 февральдә булган. Беренчел версия буенча, түбә кардан начар чистарту аркасында ишелергә мөмкин.
Иске Чүпрәле авылындагы 1 нче «Кояшкай» балалар бакчасында түбә ишелде. Зыян күрүчеләр юк, дип хәбәр итте район башлыгы Марат Гафаров.
Билгеле булганча, түбәгә капиталь ремонт 2011 елда ясалган. 2024 елда балалар бакчасында эчке эшләр һәм территория төзекләндерелде.
Тикшерү һәм торгызу вакытында балалар бакчасы ябылган, балаларны вакытлыча районның башка мәктәпкәчә учреждениеләренә күчергәннәр.