Казанда гыйнвар ахырында югалган 20 яшьлек кыз табылган
Казанда 24 гыйнварда югалган 20 яшьлек кызны исән килеш тапканнар. Бу хакта бүген 00.15 сәгатьтә «ЛизаАлерт» эзләү‑коткару отрядында хәбәр иттеләр. Эзләү операциясе тугыз тәүлек дәвам иткән.
«Табылды, исән! Эзләүдә катнашкан, репост ясаган һәм мәгълүмат тараткан һәркемгә рәхмәт», - диелә волонтерлар хәбәрендә.
Башка нечкәлекләре билгеле түгел.