Уфада укучыны каеш белән кыйнаган укытучыга карата җинаять эше кузгатылган
РФ Тикшерү комитетының Башкортстан буенча Тикшерү идарәсе Уфа мәктәбендәге инцидент факты буенча җинаять эше кузгаткан. Анда укытучы Чебурашкага әдәпсез карикатура ясаган өчен укучыга каеш белән суккан һәм аның кулларын бәйләгән, дип хәбәр итә РИА Новости.
Ведомствода аңлатуларынча, укытучының дәрес вакытында җиденче сыйныф укучысына карата көч куллану турындагы мәгълүмат социаль челтәрләрне күзәткәндә табылган.
«Хәзерге вакытта Тикшерү комитеты булган хәлнең барлык шартларын ачыклауга юнәлдерелгән тикшерү гамәлләре комплексы оештырды», – дип язалар ведомство матбугат хезмәтендә