Казан кешесе мошенникларга 350 мең сум биргән
Казан кешесе мошенникларга 350 мең сум акча биргән һәм аздан гына миллионнарын югалтмаган.
Казан буенча Эчке эшләр министрлыгы мәгълүматы буенча, 41 яшьлек ир-ат чит ил машинасы сатып алырга теләгән һәм мессенджерларның берсендә үзенә туры килгән вариантны тапкан. Шуннан соң килешү һәм китерү ысулы турында сөйләшү өчен сатучы белән элемтәгә керә. Сатучы фирма мәгълүматлары һәм машина характеристикалары белән килешү җибәргән.
Шуннан соң сатучы кәгазьләр һәм таможня түләүләре әзерләү өчен янәсе берничә миллион сум алдан түләү сораган, әмма нәтиҗәдә яклар 350 мең сум күчерү турында килешкәннәр. Алдан әйтелгән көнне авто килмәгән, ә тоткарлану турындагы сорауларга мошенниклар тулы түләүне таләп итә башлаган. Шуннан соң зыян күрүче полициягә мөрәҗәгать иткән.
Эчке эшләр министрлыгында Интернет челтәрендә нәрсәдер сатып алганда сатучының абруен тикшерергә, башка клиентларның фикерен өйрәнергә һәм шикле хисапларга акча күчермәскә икәнлеген искәртәләр.