Татарстанда ике трассада йөк машиналары һәм автобуслар хәрәкәтенә чикләүләр бетерелде
Чистай-Түбән Кама һәм Алексеевск-Әлмәт трассаларында автобуслар һәм йөк машиналары хәрәкәтенә чикләүләр алынды, дип хәбәр иттеләр Россия гадәттән тыш хәлләр министрлыгының ТР буенча Баш идарәсендә. Хәзер автомобиль юлы барлык төр транспорт чаралары өчен дә ачык.
Чикләүләр Татарстанга гыйнвар ахырында килгән көчле кар һәм буран аркасында кертелде.
Элегрәк «Татар-информ» язганча, барлык чикләүләр бетерелгәннән соң, Казан – Оренбург трассасы 88 нче километрдан 249 нчы километрга кадәр транспортның барлык төрләре өчен дә ачык.