Алиханов күргәзмәләрне һәм ярминкәләрне Россия брендларын танытуда төп алым дип атады
Күргәзмә-ярминкә эшчәнлеге Россия кием брендларына ярдәм итү һәм аларны популярлаштыруда төп механизмнарының берсе булып тора. РФ сәнәгать һәм сәүдә министры Антон Алиханов шулай дип белдерде. Бу хакта РИА Новости агентлыгы хәбәр итә.
Министр бу форматның илебез базары үсеше өчен әһәмиятен искәртте.
Күргәзмә чараларын оештырудан тыш, җиңел сәнәгать предприятиеләре һәм авторлык дизайнерлык проектлары дәүләт тарафыннан финанс һәм консультация ярдәменә исәп тота ала.
Алиханов шулай ук билгеләп үткәнчә, ведомство һөнәрчелек үзәкләрен үстерү программаларын гамәлгә ашыра һәм заманча дизайнерларны җитештерү остаханәләре белән интеграцияләүгә ярдәм итә. Белем бирү инициативаларына аерым игътибар бирелә, аларның максаты – җитештерүнең традицион технологияләрен саклап калу.