Россия мөфтие Равил Гайнетдин һиҗри исәп буенча яңа ел башлану белән котлады
6 июльдә Кояш баегач, һиҗри исәп буенча 1445 ел тәмамланды һәм 1446 ел (мөселман ел исәбе буенча) башланды. Мөхәррәм ае изге-шәрәф ай булып санала. Бу хакта Россия мөселманнары Диния нәзарәте рәисе, мөфти Равил Гайнетдин белдерде.
Россия мөселманнары Диния нәзарәте Телеграм-каналында язылганча, һиҗри исәп буенча яңа ел сакраль мәгънәгә дә ия түгел, йолалар белән дә бәйләнмәгән. Еллар исәбен билгеләү икенче Тугры хәлиф Гомәрнең (634-644) дәүләт эшчәнлеге белән бәйле. Ул хронологик үзенчәлекне аңлата, аннан соң мөселман өммәте иҗтимагый мөнәсәбәтләр субъекты буларак, бердәм бер бөтен буларак формалаша.
Гайнетдин белдергәнчә, яңа елның беренче аеның кыйммәте шунда ки, аның 10нчы көненә Гашура көне — нәфел уразасы көне туры килә. Ураза исә, үз чиратында, Аллаһка чын күңелдән ышанучыларны коткару һәм савыктыру турында искә төшерә.
Мөфти шулай ук Аллаһтан барлык изге эшләрне һәм ниятләрне кабул итүен, халыкка тынычлык һәм иминлек бирүен, шулай ук кешелекнең барлык саваплы эшләрен уңышлы итүен сораган. Ул шулай ук Аллаһка ышанучы һәркемгә дога кылырга һәм киләсе елда күбрәк яхшылык эшләргә, шулай ук бәхет һәм иминлек теләде.