Курган өлкәсе Йолдыз авылында өй туйлары узды
Кичә, 22 июньдә, Йолдыз авылында берничә өй туе узды. Бөтендөнья татар конгрессы Башкарма комитеты җитәкчесе Данис Шакиров өй хуҗаларын яңа йортлары белән котлады һәм истәлекле бүләкләр тапшырды. Бу хакта Бөтендөнья татар конгрессы хәбәр итә.
Искәртик, 2023 елның 7 маенда Йолдыз авылына янгыннан зур зыян килде. Торак пунктның күп өлеше янып бетте, бары тик бер урам, авылның административ үзәге һәм мәчет исән калды. Авыл бөтен ил татарлары белән берлектә торгызылды.